又到8月倒數開學，大家係咪仲諗緊帶小朋友去邊度消磨時間？位於深水埗的李伯忠一片天國際啟育中心將於8月23-24日（星期六及日），聯同多個團體舉行免費夏日嘉年華，特別為0-12歲嘅小朋友同家長而設，有齊攤位遊戲、工作坊同超多禮物，俾家長同小朋友盡情在開學前玩得開心又有意義，為暑假畫上完美句號！
一片天夏日嘉年華免費入場，即睇5大必玩亮點︰
攤位遊戲挑戰區：考驗身手同腦力嘅各款遊戲，成功過關仲有豐富禮品等緊你
創意手藝工作坊：親手製作獨一無二嘅小手作，將回憶帶返屋企
互動遊樂設施：場內設有高空遊樂場，放電一流，俾小朋友盡情跑跳玩樂
限定驚喜禮物：活動準備咗多款精美禮品，絕對唔會空手而回
社區大Party：唔單止係玩樂，呢個嘉年華更希望成為連結社區嘅大平台，俾家長同小朋友可以輕鬆交流，擴闊社交圈子
